Recevoir les nouveaux articles par Email

mardi 17 juillet 2018

PREMIER FESTIVAL ARMENIEN - ՀԱՅԿԱԿԱՆ ԱՌԱՋԻՆ ՓԱՌԱՏՕՆ

Կիրակի, Սեպտեմբեր 16-ին ժամը 12-էն մինչեւ 18
15, rue Jean Goujon, Paris


Հայ Առաքելական Եկեղեցւոյ Ֆրանսայի Թեմը եւ Առաջնորդարանի ընկերները ուրախութեամբ կը յայտարարեն՝ 8-րդ թաղամասի քաղաքապետարանի մասնակցութեամբ, Փարիզի առաջին հայկական փառատօնի կազմակերպման մասին:

Այս բացօթեայ փառատօնը Սուրբ Յովհաննէս Մկրտիչ Մայր Տաճարի առջեւի Jean Goujon փողոցին մէջ տեղի պիտի ունենայ: Փառատօն ընթացքին փողոցը երթեւեկի պիտի փակուի:

Ծրագիրը կ'ընդգրկէ՝ հայկական ճաշեր, երաժշտական ծրագիր, պարի հարթակ, ֆրանսերէն եւ հայերէն գիրքերու վաճառք, յուշանուէրներ, մանուկներու համար խաղեր, բազմաթիւ նուէրներով վիճակահանութիւն, վատ եղանակի պարագային վրաններ:

Եթէ կը փափաքիք մասնակցիլ, կամ կ'ուզէք սեղանիկի (stand) մը համար տեղ ունենալ, կրնաք դիմել փառատօնի յանձնախումբին՝


Հեռ.՝ 01 43 59 67 03
Ել-գիր՝ festival@diocesearmenien.fr


Եթէ Փարիզի Հայկական Փառատօնին կը փափաքիք զօրավիգ ըլլալ, կրնաք ձեր նուիրատուութիւնը ղրկել, Հայ Առաքելական Եկեղեցւոյ Ֆրանսայի Թեմին (Diocèse de France de l'église apostolique arménienne):

Ձեր օրագրերուն մէջ մի մոռնաք նշելու այս ուրախ եւ անակնկալներով լեցուն օրուան թուականը եւ ժամը:

Related Posts Plugin for WordPress, Blogger...