Recevoir les nouveaux articles par Email

mercredi 16 mai 2018

ԵՐԵԿՈՅԹ ՆՈՒԻՐՈՒԱԾ ՑԵՂԱՍՊԱՆՈՒԹԵԱՆ 103-ՐԴ ՏԱՐԵԼԻՑԻՆ

Փարիզի Մայր եկեղեցւոյ «Սուրբ Յովհաննէս Մկրտիչ» երիտասարդաց միութեան կազմակերպութեամբ Ապրիլ 21-ին եկեղեցւոյ սրահի մէջ տեղի ունեցաւ գրական եւ երաժշտական երեկոյ, մասնակցութեամբ Հայաստանէն ժամանած դերասաններու եւ երգիչներու։ Արմինէ Հայրիյաեանի, Գէորգ Չուլեանի, Մաշա Մնջոյեանի, Պետրոս Պետրոսեանի, Դավիթ Խաչատրեանի հիանալի կատարումները երեկոն լեցուցին թէ յուզմունքով, թէ հայրենասիրութեամբ եւ թէ վճռականութեամբ դէպի ապագան։
Երեկոյեան աւարտին ներկայ հանդիսատեսները հնարաւորութիւն ունեցան նաեւ երգ մը կատարել երգիչներու հետ։ Ինչպէս իր շնորհակալութեան խօսքի մէջ Տէր Յուսիկը անդրադարձաւ, ցեղասպանութիւն ապրածներու նոր սերունդներս մեր ուժը, մեր սէրը եւ առաջընթացը պէտք է ցոյց տանք ամբողջ աշխարհին եւ յատկապէս «եղեռնագործ հրէշին» նաեւ մեր մշակոյթով եւ նորն ու գեղեցիկը արարելու բացարձակ ձիրքով։
Related Posts Plugin for WordPress, Blogger...