Recevoir les nouveaux articles par Email

samedi 26 mars 2016

ՔՐԻՍՏՈՍ ՅԱՐԵԱՒ

Անհերքելի փաստ մըն է՝ մարդկային կեանքը այս աշխարհի վրայ ունի սկիզբ եւ ունի վախճան. ինչպէս Ժողովողը կ'ըսէ՝ «Ամէն ինչի ատենը կայ, ու երկնքի տակ եղող ամէն բանի ժամանակը՝ ծնելու ժամանակ եւ մեռնելու ժամանակ» (Ժող. Գ 1-2): Այս գաղափարը ստիպած է մարդ արարածին աշխարհիս վրայ գոյութեան բոլոր ժամանակներուն մշտապէս ձգտիլ եւ փափաքիլ հասնելու յաւերժութեան, բացա-յայտել անմահութեան գաղտնիքը, գտնել այն զէնքը, դեղահատը կամ շիճուկը, այն միջոցը, որով կարելի պիտի ըլլար ոչնչացնել մահը եւ անոր կործանիչ իշխանութիւնը: Այս ապարդիւն փնտռտուքի ընթացքին, սակայն, ադամորդին կը մոռնայ, որ յաւիտենական կեանքի եւ անմահութեան բանաձեւը վաղուց անտի հռչակուած եւ յայտնի է. «Ե՛ս եմ յարութիւնն ու կեանքը: Ա՛ն որ կը հաւատայ ինծի, թէեւ մեռնի, պիտի ապրի. եւ ո՛վ որ կ'ապրի եւ կը հաւատայ ինծի, յաւիտեան պիտի չմեռնի: Դուն կը հաւատա՞ս ասոր» (Յովհ. ԺԱ 25-26): Հաւատքն առ Յիսուս Քրիստոս Տէրը, նորոգումը Անոր Յարութեան կենսաբեր աւետիսով եւ աստուածային ճըշմարտութեամբ ապրիլը մեր անմահ հոգին վեր կը հանէ առ Ամենասուրբ Երրորդութիւնը եւ կ'արժանացնէ յաւիտենական կեանքի, քանզի Քրիստոս է «Յարութիւնն եւ կեանքը»:

«Քրիստոս Յարեաւ ի մեռելոց,
մահուամբ զմահ կոխեաց 
եւ յարութեամբն իւրով մեզ զկեանս պարգեւեաց:
Նմա փառք յաւիտեանս. ամէն»:    

Տէր  Յուսիկ Քհնյ. Սարգսեան


http://www.jeaap.net/2016/03/le-christ-est-ressuscite.html
Related Posts Plugin for WordPress, Blogger...