ԱՀԱՒԱՍԻԿ

Ուրախութեամբ կը յայտնենք, որ Փարիզի «Սբ. Յովհաննէս Մկրտիչ» երիտասարդաց միութիւնը, օրհնութեամբ Ֆրանսահայոց թեմի առաջնորդ Գերշ. Տ. Վահան Եպիսկոպոս Յովհաննէսեանի, պատիւ ունի ձեզ ներկայացնելու իր նորաբաց համացանցային նախագիծը՝ JEAAP (Jeunes de l'Eglise Apostolique Arménienne de Paris) բլոգը: Սկզբունքօրէն այս նախագիծը պիտի ըլլայ Փարիզի Մայր եկեղեցւոյ ամսաթերթիկի՝ «ԿԱՆԹԵՂ»ի շարունակութիւնը՝ աւելի ճոխացած երիտասարդական նիւթերով, Մայր եկեղեցւոյ գործունէութիւնը լուսաբանող անդրադարձներով, ազգային եւ եկեղեցական ոգին զօրացնող յօդուածներով: Կարճ ասած՝ սկզբունքը մէկն է՝

«ԵԿԵՂԵՑՒՈՅ ԵՐԻՏԱՍԱՐԴՆԵՐԸ՝ 

ԵԿԵՂԵՑՒՈՅ ՄԱՍԻՆ»:

Յուսանք այս նախաձեռնութիւնը օգտակար պիտի ըլլայ հաւատացեալ մեր ժողովուրդին եւ առիթ պիտի տայ փարիզահայ երիտասարդներուն ծանոթանալու եւ մասնակցելու մեր երիտասարդական ծրագիրներուն:

Ուրեմն լաւ յիշեցէք այս յղումը՝ www.jeaap.net

Միացէք մեզի Facebook-ի մէջ՝ www.facebook.com/JEAAP.Jean.Baptiste

Բաժանորդագրուէցեք ձեր e-mail-ի միջոցաւ այս յղումով՝ www.feedburner.google.com/fb/a/mailverify?uri=Jeaap&loc=en_US

Գրեցէք ձեր կարծիքները՝ jeaapblog@gmail.com